നേമം
ബ്ലോക്ക് പഞ്ചായത്ത്

*ലഹരിവിരുദ്ധ ജനകീയ പ്രചാരണം: നേമം ബ്ലോക്ക് പഞ്ചായത്തിൽ 'ഓപ്പറേഷൻ തൂഫാൻ 2.0' പരിപാടികൾ സംഘടിപ്പിച്ചു*
​ സംസ്ഥാ‍നത്ത് ലഹരിമരുന്നുകളുടെ ഉപയോഗവും വ്യാപനവും പൂർണ്ണമായി തടയുന്നതിനായി തദ്ദേശ സ്വയംഭരണ വകുപ്പും കേരള പോലീസും സംയുക്തമായി നടപ്പിലാക്കുന്ന 'ഓപ്പറേഷൻ തൂഫാൻ 2.0' പദ്ധതിയുടെ ഭാഗമായി നേമം ബ്ലോക്ക് പഞ്ചായത്തിൽ വിപുലമായ ലഹരിവിരുദ്ധ ജനകീയ പ്രചാരണ പരിപാടികൾ സംഘടിപ്പിച്ചു.
​പദ്ധതിയുടെ ഭാഗമായി ഓഫീസ് വളപ്പിൽ നേമം ബ്ലോക്ക് പഞ്ചായത്ത് പ്രസിഡൻറ് പി ഷൺമുഖം ലഹരിവിരുദ്ധ പതാക ഉയർത്തി പരിപാടികൾക്ക് തുടക്കം കുറിച്ചു. ജനപ്രതിനിധികളും പോലീസ് ഉദ്യോഗസ്ഥരും ജീവനക്കാരും വിദ്യാർത്ഥികളും ചേർന്ന് ലഹരിവിരുദ്ധ പ്രതിജ്ഞ എടുക്കുകയും ചെയ്തു. തുടർന്ന് 'തൂഫാൻ വാരിയർ' ബാഡ്ജ് വിതരണവും നടന്നു. ലഹരി വിപത്തിനെതിരെയുള്ള
ബോധവത്കരണ ക്ലാസ്സിന് എക്സൈസ് പ്രിവെന്റിങ് ഓഫീസർ (നെയ്യാറ്റിൻകര സർക്കിൾ )അജിത് നേതൃത്വം നൽകി.. ലഹരി വിരുദ്ധ പ്രചാരണത്തോടനു ബന്ധിച്ച് കൈ കൊട്ടികളി, ക്വിസ് മത്സരം, ഫുട്ബോൾ ഷൂട്ട് ഔട്ട് തുടങ്ങി നിരവധി പരിപാടികൾ സംഘടിപ്പിച്ചു. നേമം ബ്ലോക്ക് പഞ്ചായത്ത് വൈസ് പ്രസിഡന്റ് മിനി എ,സ്റ്റാൻഡിങ് കമ്മിറ്റി ചെർമാന്മാർ, ബ്ലോക്ക് പഞ്ചായത്ത് അംഗങ്ങൾ, മലയിൻകീഴ് സബ് ഇൻസ്പെക്ടർ നാദിർഷ, ഉദ്യോഗസ്ഥർ,വിദ്യാർത്ഥികൾ,നാട്ടുകാർ തുടങ്ങിയവർ പങ്കെടുത്തു